الصعود لأعلى
r_img l_img
رئيس مجلس الادارة وليد أبو عقيل
رئيس التحرير
عماد خلف احمد
مدير التحرير
سيد عبد النبي








r_img l_img



r_img l_img
أشترك معنا ليصلك جديد الاخبار




r_img l_img
درجة الحرارة 26°
العظمى 29°
الصغرى 19°

الضحايا نيوز / أطفال الشوارع

30 أغسطس 2015
الأحد 02:38 مساءً كتب :: محمد الدسوقي

تحذير هااااااااام اطفال الشوارع قنبلة موقوتة ستنفجر في وجه الوطن قريبا

تحذير هااااااااام ...اطفال الشوارع (قنبلة موقوتة) ستنفجر في وجه الوطن قريبا .
صورة معبرة عن الخبر
img

رسالة من الاستاذ/ محمد الدسوقي

بعد البحث والتحري والنوم في الشوارع عن حازم ( مهند ) ابن اختي رحمها الله اتضح انه ماشي مع ثلاثه مطلوبين في قضايا سرقه واحد اسمه محمد الشرقاوي الشهره ( سكلانه ) هربان من أهله في الشرقيه والتاني اسمه حسين هربان من أهله في اسماعيلية والثالث اسمه محمود الشهره ( الجوكر ) عندهم 19 سنه تقريبا اخدين حازم وبيشربوه برشام وبانجو ومخلينه مغيب عشان ميفكرش يرجع ....

طبعا حضراتكم هتقولولي اعمل محضر في القسم ... هقولكم أن العميد نائب مأمور قسم ثاني الإسماعيلية لما قولتله الكلام ده قالي هتعمل محضر بتهمة ايه هات حازم الأول وبعدين نبقي نشوف هنعمل ايه فكان ردي جاهز وهو أن فيه معلومات بتقول أن 90% من أطفال الشوارع والسوابق والهربانين بيتجمعوا الفجر في مول تحت الإنشاء داخل سوق الجمعه وان المول ده بيتاجروا من خلاله في المخدرات ومش أي حد يقدر يدخله من الآخر كده قالولي( الحكومه بتخاف تدخله بالليل ولو انت دخلت هتطلع من غير هدومك ) فتجاهل كلامي ورد عليا ... وهو اني أراقب المكان من بعيد ولما الاقي حازم اخده وامشي بسرعه فرديت عليه وقولتله ليه متطلعش قوة معايا بالليل وندخل المكان ده قالي كل اللي اقدر اعملهولك انك لما تشوف ابن اختك في مكان تعالي قولي وانا هبعت معاك مخبر يجيبهولك !!!!!!!!!!!!!

ومن اللحظه ديه اتاكدت أن مفيش فايده وان البلد ديه مينفعش يعيش فيها غير البلطجية أو الواصلين وليهم معارف ومحاسيب. ... حسبنا الله ونعم الوكيل. ..... وبرضه مش هسكت وهتبع كل السبل الشرعيه والغير شرعيه الي ان يرجع لينا حازم بالسلامة. .....

وبعد البحث والتحري اتضح لي أننا كنا نعيش قبل وقت اختفاءه في عالم آخر معزول كل العزلة عن هؤلاء الأطفال التي حكمت عليهم الظروف والاقدار أن يصبحوا اطفال شوارع سواء بسبب قسوة الأهل أو فقدانهم أو لدخول (( مرات الأب )) في حياتهم وهذه هي الفئه السائده بين هؤلاء الضحايا المظلومين. ..

صادفت خلال شهر من البحث والمبيت بالشوارع وسط هؤلاء الأطفال من ترك أهله منذ 8 سنوات أو أقل أو أكثر يقيم إقامة كامله بالشوارع أكل وشرب ونوم سواء شتاءا أو صيفا مهددين بالتعرض للأمراض والاعتداءات الجسديه سواء بالضرب أو بالجنس ولا يوجد تمييز بين ولد أو بنت في شارع أشبه بالنسبة لهم بالغابه البقاء فيها للأقوي .

في غياب تام للرقابة من المسؤلين اعتقادا خاطئا منهم أن هؤلاء الأطفال لا يشكلون خطرا علي المجتمع أو عليهم شخصيا. ... للأسف أيها السادة أنتم مخطئون لأن هؤلاء الأطفال قنبلة موقوتة ستنفجر في وجه المجتمع قريبا جدا لأن هؤلاء (مشاريع لمجرمين محترفين) ناقمين علي المجتمع بمختلف فئاته غير اسوياء نفسيا ...

والأخطر من ذلك وذلك أن العدد في تزايد مستمر وان هذا العالم الخاص بهم مفتوح علي مصراعيه أمام كل من يريد من( أبناءنا ) التخلي و الخروج من عالمنا نحن للذهاب الي هذا العالم المذموم وهو عالم ( اطفال الشوارع ) فرجاءا كل الرجاء حافظوا علي أولادكم وحاربوا بكل قوة استمرار ظاهرة اطفال الشوارع لأنها وباااااااء لا أحد من أطفالنا معصوم من أن يصاب به. ..

حفظ الله أبناءنا من كل سوء ... 
ربنا يرجعك لينا بالف سلامه يا حازم يا حبيبي ويبعد عنك كل شر وسوء. .. حسبنا الله ونعم الوكيل في (ابوك ومراته) و كل المقصرين والمتسببين في ضياعك مننا. ......

سياسة التعليقات لموقع الضحايا نيوز

إن جميع التعليقات والمشاركات المدونة هنا إنما تعبر عن رأي كاتبها . ويكون مسئولا" عنها مسئولية قانونية وأدبية عن هذه التعليقات والمشاركات. ونهيب بجميع القراء والزوار الابتعاد عن التعليقات غير الهادفة أو التي تسئ لأي شخص أو جهة بأي حال من الأحوال .

عدد التعليقات